അങ്കമാലി : അതിജീവനം പദ്ധതിയുടെ ഭാഗമായി റോജി എം. ജോൺ എംഎൽഎ നിർമിക്കുന്ന ഇരുപത്തിയൊന്നാമത് വീടിന്റെ ശിലാസ്ഥാപനം നടത്തി. സാമ്പത്തികമായി ബുദ്ധിമുട്ട് അനുഭവിക്കുന്ന അങ്കമാലി സ്വദേശി പള്ളിപ്പാട്ട് ഡോണ ഡിക്സനാണ് വീട് നിർമിച്ചുനൽകുന്നത്. റോജി എം. ജോൺ എം എൽഎ തന്റെ വിവാഹ ആഘോഷ ചെലവ് ചുരുക്കിയാണ് ഈ സ്നേഹ ഭവനത്തിനുള്ള തുക വിനിയോഗിക്കുന്നത്.
അങ്കമാലി വേങ്ങൂരിൽ നടന്ന ശിലാസ്ഥാപനം എംഎൽഎയും ഭാര്യ ലിപ്സിയും ചേർന്ന് നിർവഹിച്ചു.
നഗരസഭ ചെയർമാൻ അഡ്വ. ഷിയോ പോൾ, മുൻ ചെയർമാൻ മാത്യു തോമസ്, ബ്ലോക്ക് പഞ്ചായത്ത് പ്രസിഡന്റ് കൊച്ചുത്രേസ്യാ തങ്കച്ചൻ, കിടങ്ങൂർ ഉണ്ണിമിശിഹാ പള്ളി വികാരി ഫാ. വർഗീസ് ചെരപ്പറമ്പിൽ, അങ്കമാലി ബ്ലോക്ക് കോൺഗ്രസ് പ്രസിഡന്റ് ആന്റു മാവേലി,
ഡിസിസി സെക്രട്ടറിമാരായ പി.വി. സജീവൻ, ഷൈജോ പറമ്പി, കോൺഗ്രസ് മണ്ഡലം പ്രസിഡന്റ് സാജു നെടുങ്ങാടൻ, മർച്ചന്റ്സ് അസോസിയേഷൻ പ്രസിഡന്റ് ജോണി കുര്യാക്കോസ്, ജോർജ് ഒ. തെറ്റയിൽ, പി.പി. ജോസ് പാരമൻ, ബിജു മേനാച്ചേരി, റീന ജോണി തുടങ്ങിയവർ പ്രസംഗിച്ചു.
