അങ്കമാലി: മഞ്ഞപ്ര സാംസ്കാരി കവേദിയും എ.പി. വർഗീസ് ട്രസ്റ്റും സംയുക്തമായി ഭാഷാഭിമാനസദസ് സംഘടിപ്പിച്ചു. കോടതിഭാഷ പൂർണമായും മലയാളമാക്കുക, എൻട്രസ് പരീക്ഷകളും പിഎസ്സി പരീക്ഷകളും മലയാളത്തിൽ എഴുതുവാൻ അവസരം നൽകുക, ബിരുദാനന്തര ബിരുദ പരീക്ഷകളും മെഡിക്കൽ, എൻജിനീയറിംഗ് പരീക്ഷകളും ഗവേഷണ പ്രബന്ധങ്ങളും മലയാളത്തിൽ എഴുതുവാൻ അനുമതി നൽകുക, പ്രൊഫഷനൽ കോഴ്സുകളുടെ ടെക്സ്റ്റ് ബുക്കുകൾ മലയാളത്തിലും തയ്യാറാക്കുക എന്നീ ആവശ്യങ്ങൾ ഭാഷഭിമാനസദസ് ഉന്നയിച്ചു.
കവി ഡോ. സുരേഷ് മൂക്കന്നൂർ ഉദ്ഘാടനം നിർവഹിച്ചു. യുവ കവയിത്രി ടി. ഐശ്വര്യ “ഭാഷയും സംസ്കാരവും’ എന്ന വിഷയത്തിൽ പ്രഭാഷണം നടത്തി. സാംസ്കാരികവേദി പ്രസിഡന്റ് സജീവ് അരീക്കൽ അധ്യക്ഷത വഹിച്ചു.പി.വി ആന്റണി, മുൻ പ്രധാനാധ്യാപിക കെ.എ. ഷൈനി, നോവലിസ്റ്റ് മാത്യൂസ് മഞ്ഞപ്ര, ടി.പി. കുര്യാക്കോസ്, മഞ്ഞപ്ര ദേവസി, ഗിബ്സൺ ലൂയിസ്, വർഗീസ് പുന്നക്കൽ, പി. എം. പൗലോസ്, നോബി കുഞ്ഞപ്പൻ, പി.കെ.ഗോപി എന്നിവർ പ്രസംഗിച്ചു.
