അങ്കമാലി : നഗരസഭ ഇരുപത്തിയൊന്നാം വാർഡിൽ പൊതുകുളങ്ങൾ നവീകരിയ്ക്കുന്നതിന്റെ ഭാഗമായി ജലാശയങ്ങളിൽ മാലിന്യം നിക്ഷേപിക്കുന്നത് തടയുന്നതിനുവേണ്ടി 13 അടി പൊക്കത്തിൽ ഗ്രിൽ ഫെൻസിംഗ് സ്ഥാപിച്ചു.
ഇതുകൂടാതെ കുളത്തിൽ അടിഞ്ഞുകൂടിയിട്ടുള്ള മണ്ണും പായലും നീക്കം ചെയ്യുന്നതിനും ഫണ്ട് വകയിരിത്തിയിട്ടുണ്ട്. നിർമാണം പൂർത്തീകരിച്ച നവീകരിയ്ക്കൽ പദ്ധതിയുടെ ഉദ്ഘാടനം നഗരസഭ ചെയർപേഴ്സൺ അഡ്വ. ഷിയോ പോൾ നിർവഹിച്ചു.
വാർഡ് കൗൺസിലർ ബാസ്റ്റിൻ ഡി. പാറയ്ക്കൽ അധ്യക്ഷത വഹിച്ചു. പി.എഫ്. വിൻസെന്റ്, പ്രവിത മാർട്ടിൻ എന്നിവർ പ്രസംഗിച്ചു. ഈ ഭാഗത്ത് സിസിടിവി കാമറ സ്ഥാപിക്കാനുള്ള നടപടികളും പൂർത്തീകരിച്ചിട്ടുണ്ട്.

